新娘子心底話

Keloid所帶來給我困擾,大大話話已經有八年時間。2006年, 起初只不過係心口生咗一粒細細粒嘅暗瘡,但係呢粒暗瘡好唔尋常,一生就生咗成個月,持續係一個紅腫嘅狀態,起初我都不以為意,生吓暗瘡啫有邊個未生過?我都係搽吓暗瘡膏咁啦,但係邊個會估到,正係因為呢一個傷口持續發炎已經引致皮膚出現了keloid,我仍然懞盛盛凈係識搽暗瘡藥!!!

其實中途也有去睇皮膚科醫生,基本上結論都係無得醫斷尾只可以嘗試控制等佢唔好變大,最常用方法係打類固醇針在keloid上,打針過程痛苦無比,而且又要持續幾個月打一次先有效,我先後打咗幾次都放棄了,因為真係好痛, 打針又貴, 仲要比媽咪話我個疤好似越打越大越變形!

大約兩年前,我於網上香港討論區發現,原來呢個世界上有好多同病相憐既人!佢哋不斷去嘗試新既治療keloid 方法,而我從中得知,原來有種新既冷凍治療法可以醫keloid,費用雖然高但療效顯著!考慮半年左右,我終於的起心肝去做呢個小手術,過程比起以前打針舒服十倍,復原期大約個幾兩個月,疤痕會慢慢變淡色同平復d,依家我做完手術已經一年半,touch wood我係好滿意的,因為疤痕已經平復無乜凸起,雖然顏色同心口皮膚仍然有分別但已經無以前咁礙眼,最開心既係big day穿上low cut婚紗時,MUA幫我搽d遮瑕膏就完全隱藏疤痕了!相逢恨晚,如果早d知道有呢個手術就好啦, 病向淺中醫吖麻!


肉芽苦主 阿卓

一個困擾我超過十年的健康問題,終於可以解決~今次我寫呢篇網誌,係想同其他同病相憐人士,分享我嘅經歷,唔駛再又痕又痛過活~

十年前開始,我嘅手臂,膊頭同胸部,突然出現肉芽,紅紅腫腫,有D拱起凸出,好繃緊好痛,又鬼咁死痕~我發現好多時都係有小傷口後,就好易有肉芽長出~

我做保險呢行,儀容好重要,手臂同膊頭有肉芽真係好難睇~大熱天時,都要著長袖衫掩住手臂D肉芽,唔想畀人睇到,好熱都唔敢著短袖衫~

起初生肉芽,我睇過好多醫生,試過注射類固醇治療,每個月打一針,但唔好成功,肉芽只係縮細咗少少,仲係好痕好痛~

雖然好多外科醫生都建議我做外科手術,切走肉芽,但我唔想做!!我唔係怕痛,而係切走肉芽後,仍然有好大機會翻發,再生嘅肉芽會比以前更大~我真係唔想冒險~

就係上個月,我上網發現有最新醫治肉芽方法,就係冷凍治療,唔駛開刀縫針,做完後唔會再生肉芽~我知道後即刻約時間見醫生,佢話我可以先用冷凍治療消除右手臂肉芽,用局部麻醉方式進行~

佢解釋我知,話會用冷凍治療槍嘅長針,插入肉芽,嗰支針接駁咗液態氮,溫度只有零下百幾度,超低溫令到肉芽脫水、壞死~大約2至4星期,傷口就會復原,肉芽脫落~隔咗兩日,我就係診所做咗冷凍治療,成個療程大約十五分鐘,唔覺痛,做完立即可以如常活動~

醫生話,有D人做完治療後,傷口可能有少少痛同腫,但我情況好好~過咗三星期,傷口已經好翻,唔再見有新肉芽,真係令我好開心!!